Madaxweynaha Dowladda KMG ah ee Soomaaliya Shariif Sh. Axmed ayaa maanta u ambabaxay dalka Kuweyt isagoo ka dhoofay garoonka diyaarada Aadan Cadde ee magaalada Muqdisho.

Madaxweyne Shariif iyo Wafdigiisa ayaa ka degay garoonka magaalada Kuweyt ee dalka Kuweyt, iyadoo halkaasi si diiran loogu soo dhoweeyey.

Amiirka dalka Kuweyt, wasiiro iyo saraakiil ka tirsan ciidamada dalka Kuweyt ayaa Madaxweyne shariif iyo wafdigiisa kusoo dhoweeyey halkaasi, waxaana loo galbiyey xaga iyo qasriga Amiirka Kuweyt.

Lama oga inta ay qaadan doonto booqashada Madaxweynaha ee dalka Kuweyt, iyadoo la filayo Madaxweyne Shariif iyo Amiirka Kuweyt ay ka wada hadli doonaan arrimo ku saabsan labada dal.