Dagaal u dhexeeyey ciidamada Dowladda KMG ah oo garab ka helaya kuwa Itoobiya ayaa xalay ka dhacay magaalada Beledweyne ee gobolka Hiiraan.

Dagaalkan ayaa lagu soo waramayaa inuu qaatay muddo saacado ah, waxaana soo qaaday ciidamada Xarakada Al Shabaab kuwaas oo beegsaday fariisimo ay leeyihiin ciidamada Dowladda KMG ah iyo kuwa Itoobiya.

Lama oga ilaa iyo hadda khasaaraha rasmiga ee ka dhashay dagaalkii xalay, iyadoo xilliga dagaalku uu dhacay ay aheyd xilli habeen ah.

Magaalada Beledweyne ayaa waxaa dhowaan gaaray 200 askari oo ka socda Dowladda Jabuuti kuwaas oo ka mid ah howlgaladda ciidamada Midowga Afrika ee AMISOM.