Wasiirka Gaashaandhiga Dowladda KMG ah Xuseen Carab Ciise ayaa sheegay in muddo 24 saacadood ama 48 saacadood gudahooda ay ku qabsanayaan degmada Afgooye ee gobolka Shabeelaha Hoose.

Wasiirka ayaa sheegay in ay dejiyeen qorshihii ay kula wareegi lahaayeen degmada Afgooye, isagoo xusay in ciidamada Dowladda KMG ah iyo kuwa AMISOM ay hadda ku wajahan yihiin degmadaas.

Ciidamada Dowladda KMG ah iyo kuwa AMISOM ayaa wada guluf dagaal oo aad u xoogan kaas oo ay ku doonayaan in ay ku qabsadaan degmada Afgooye ee gobolka Shabeelaha Hoose, iyadoo Xarakada Al Shabaab iyadana dhankeeda ay isku dayeyso in ay difaacado degmadaas oo ah magaalo istiraatiiji u ah xiriirka goboladda Jubboooyinka iyo Baay.

Hadalka Wasiirka Gaashaandhiga ayaa imaanaya xilli maalintii seddexaad uu dagaal ku dhex maraya deegaanada u dhexeeya Muqdisho iyo Afgooye Ciidamada  Dowladda KMG ah oo gacan ka helaya ciidamada AMISOM iyo ciidamada Xarakada Al Shabaab.