Kulan si heer sare ah loo soo gaasimay si wacana looga soo shaqeeyay qabsoomidiisa oo ay kasoo qeyb galeen gabdho iyo wiilal ayaa waxa uu ka dhacay dalka Suudaan.

Kulankani ayaa waxaa qaban qaabadiisu lahaa Ururka  Aradayda koonfur Galbeed Soomaaliya ee Suudaan iyo Golaha Ardayda Digil iyo Mirifle ee isla dalka Suudaan.

Kulanka ayaa ahaa mid xasaasi badnaa kaasoo looga hadlayay muhiimada ay u leedahay midnimada beelaha walaalaha ah ee DM gaar ahaan ardaydoodii ee wax ka barata dalka Suudan.iyadoo ay meesha ka marneen dood wadaag iyo wax qabadka ay ku tilaabsatay Dallada Ururka Ardayda Koonfur Galbeed ee Soomaaliya taasi oo ka shaqeysa inta badan Mideynta iyo afkaar wadaagista ardayda ku nasab sheegata qowmiyada DM ee dalka Suudaan wax ka barata.

Qodobka falaqeynta midnimada qowmiyada DM ayaa waxa ka hadlay Odayaal iyo wax garad iyo aqoonyahanada beelaha DM iyo ardaydeeda.
Falanqeynta ayaa waxaa xiriiriye ka ahaa Saxafi: Ibraahin Azhari iyadoo meesha uusan ka marneen wakiilka Shabakada warbaahinta AFGIO.NET. Saxafi: Caadil Raaxeeye, uga soo war bixiya gudaha dalka Suudaan.

Masuuliyiinta ka soo qeyb galay kulani qiimaha badnaa ayaa waxaa ka mid ahaa:
1. Gudoomiyaha Golaha Ardayda DM ee Suudaan: Dr-Aadam macalin Bashaash
2. Gudoomiyaha Ururka Ardayda Koonfur Galbeed Soomaaliya ee Suudan: Mr- Maxamed qaasim awow
3. Suldaanka Ardayda Digil ee Suudaan: Suldaan- Cabdi Raxmaan Yuusuf
4.  Mas''''uuliyiinta ka soo qeyb galay madashane waxaa ka mid ah:
B. Dr- cabduqaadir Aadan Cali Mufti
T. Ustaad- Cali Axmed Muse
J. Ibraahim Xaaji Daahir
X. Maxamed Mustafa Xaaji
KH. Dr- Cimraan Axmed Cabduqadir
D. Wakiilka Shabakda AFGOI.NET: Saxafi: Caadil xaaji Cabdi iyo dad fara badan aann halkaan lagu soo koobi karin.

isku soo wada duuboo kulankani aad iyo aad u qiimo badnaa ayaa waxa ka soo qeyb galay gabdho iyo wiilal Odayaal iyo aqoonyahano kuwaas oo kasoo wada jeeda Qowmiyada MAAY {DM} iyadoo goobtaas ay ka dhacday isbarasho ardayda dhaxdood iyo walaaltanimo taasoo ay golaha iyo dallada ay balan qaadeen in ay mar walbo walaalahoodii ay la garab taagan yihiin kaalmo iyo is caawinaad dhan walbo.
 
Ugu dambeyntii ayaa Dalada ay ku mideysan yihiin beelaha ku abtirsada DM (Ururka Ardayda Koonfur Galbeed Soomaaliya ee Suudaan) ay gudoon siisay shahaado sharaf iyo qadarin balaaran dadkii isku howlay howshani kuna sharaftay madasha.

Caadil Xaaji Cabdi “Caadil Raaxeeye”

caadil33@msn.com

Khartuum-Suudaan.