Xaflad oo ahayd mid qiimo badan leh u dhacdayna si heer sare ah ayaa waxaa soo qaban qaabiyay Ururka Ardayda Koonfur Galbeed Ee Soomaaliya kaasi oo xaruntiisu tahay dalka Sudan.

Arday oo isugu jiro kuwa ka qalin jabiyay heeerarka kala duwan ee Bacholar, High Diploma, Master iyo PHD iyo jaamcadaha kala duwan kuwaas oo ku yaala Dalka Sudan.

Ardaydan loo qabtay xaflada qalin jabinta ah ayaa dhamaantood ka soo jeeda Koonfur Galbeed Ee Soomaaliya iyadoo qabashada xafladani uu isku howlay Ururka Ardayda Koonfur Galbeed Soomaaliya.

Xafladan aadka u qiimaha badneed ayaa waxaa ka soo qeyb galay mas’uuliyiin ka socda Safaarada Soomaaliya ee Sudan, Jaaliyada Soomaliya iyo Aqoonyahano , Arday iyo wax garad intuba iyadoo xaflada ay si fiican uga qeyb qaateen madaxda Ururka Midowga Ardayda Soomaaliya ee dalkani Sudan.

Tirada qalin jibiyaasha ayaa waxa ay gaareesay 19 qof kuwassi oo ka qalin jabiyay heerarka kala duwan ee wax barasho.

Isku soo wada duub xafladaani ay Ururka Ardayda Koonfur Galbeed E Soomaaliya ay u qabatay ardaydii ka soo jeeda dhulkaasi ayaa waxay noqoneesaa tii ugu horeesay ay qabato xaflad ama dabaal dag ceynkan oo kale.

 
Caadil Xaaji Cabdi

Khartoum-Sudan

caadil33@msn.com